Rüstəm Orucov: “Bu, indiyə qədər öyrəndiyim ən yaxşı dərsdir”

“Nə olursa olsun, bu, indiyə qədər öyrəndiyim ən yaxşı dərsdir”.

“Report” xəbər verir ki, bu sözləri Azərbaycan cüdoçusu Rüstəm Orucov öz feysbuk profilində yazıb.

Özbəkistanın paytaxtı Daşkənddə keçirilən dünya çempionatında 73 kq çəki dərəcəsində çıxış edən və turnirlə erkən vidalaşan cüdoçu bunu məyusedici adlandırıb:

“İlk öncə mənə həqiqətən dəstək olan hər kəsə təşəkkür edirəm. Aylarla davam edən ağır məşq və hazırlıqdan sonra belə halın baş verməsi həqiqətən məyusedici və ürəkağrıdan hadisədir. İndi sadəcə bir-iki gün ara vermək, beynimdəki fikirləri toplamaq və bu vəziyyəti təhlil etmək istəyirəm. Məncə, nə olursa olsun, bu, indiyə qədər öyrəndiyim ən yaxşı dərsdir. Sonda qeyd edim ki, hələ heç nə bitməyib və daha güclü qayıdacağam!”