"Qızıl buts"u qazanan futbolçu "Barselona"da çıxış edə bilər

İtaliyanın "Latsio" klubunun futbolçusu Çiro İmmobile İspaniya "Barselona"sına keçə bilər. 

"Report" "La Gazzetta dello Sport"a istinadən xəbər verir ki, 30 yaşlı hücumçu hazırkı komandasında oynamaq üçün maaşının iki dəfə artırılmasını xahiş edib, lakin paytaxt təmsilçisi onun tələblərini yerinə yetirə bilmir. 

"Barselona"nın isə hücumçusu Luis Suareslə vidalaşacağı gözlənilir. Onunla İtaliya çempionu "Yuventus" maraqlanır. 

Qeyd edək ki, Çiro İmmobile 2016-cı ildən "Latsio"da çıxış edir. O, 2019/2020 mövsümündə 36 qolla A Seriyasının bombardiiri olub və "Qızıl buts"u qazanıb.