Naxçıvan atleti Trabzonda keçirilən ənənəvi marafonda çıxış edib

Naxçıvan atleti Əmrah Nağıyev Türkiyənin Trabzon şəhərində keçirilən ənənəvi marafonda çıxış edib.

"Report"un yerli bürosu xəbər verir ki, 45-ci dəfə təşkil olunan yarışda 21 ölkə təmsilçiləri mübarizə aparıb. 

Əmrah Nağıyev 10 kilometr məsafədə çıxış edib. O, 410 nəfərin qatıldığı turnirdə 37 dəqiqə göstərici ilə 14-cü olub. Bununla da atlet ötənilki nəticəsini 3 dəqiqə 40 saniyə yaxşılaşdırıb.

Qeyd edək ki, müxtəlif məsafələrdə Azərbaycan birinciliklərinin, beynəlxalq turnirlərin qalibi və mükafatçısı olan Əmrah Nağıyev marafonların daimi iştirakçısıdır. Atlet Azərbaycanla yanaşı, Türkiyə və Gürcüstanda keçirilən beynəlxalq marafonlara davamlı şəkildə qatılmaqla təcrübəsini artırır.