MMA döyüşçüsü koronavirusa yoluxdu, görüş təxirə salındı

Braziliyalı MMA döyüşçüsü Qlover Teyşeyrada koronavirus aşkarlanıb. 

"Report" "MMA Fighting"ə istinadən xəbər verir ki, 40 yaşlı idmançının Tyaqo Santos ilə 12 sentyabra planlaşdırılan görüşü qeyri-müəyyən müddətə təxirə salınıb. 

Qeyd edək ki, Qlover Teyşeyra karyerası ərzində 31 qələbə qazanıb və 7 dəfə məğlub olub. 36 yaşlı Santosun isə 21 qələbəsi və 7 məğlubiyyəti var.