Maqnussen: "Formula-1"in Bakı mərhələsi əyləncəli olacaq"

Bakı. 18 iyun. REPORT.AZ/ "Formula-1"in Bakı mərhələsi əyləncəli olacaq.

"Report" "f1report.ru"ya istinadən xəbər verir ki, bunu Azərbaycan Qran-prisi barədə danışan danımarkalı avtomobilçi Kevin Maqnussen deyib.

“Bakı mərhələsi əyləncəli olacaq. Düz yollarda biz bir az sürət itirəcəyik, amma döngələrdə daha tez gedəcəyik. Ötən il biz ilk dəfə Bakıya gəldik, bu yol mənim xoşuma gəlmişdi, çünki burada ötmə üçün yerlər var, bu isə əladır. Azərbaycan yolu Monte-Karlo və Montsanın qarışığıdır. Mən böyük səbirsizliklə qarşıdakı həftəsonunu gözləyirəm", - deyə Kevin bildirib.