Azərbaycan pauerliftinqçisi bürünc medal qazanıb

Azərbaycan Milli Paralimpiya Komitəsinin pauerliftinq idman növü üzrə milli komandasının üzvü Zəhra Dadaşova Gürcüstanın Tbilisi şəhərində keçirilən dünya çempionatında bürünc medal qazanıb.

"Report" bu barədə Komitəyə istinadən xəbər verir.

Qeyd edək ki, Z.Dadaşova gənclər arasında keçirilən yarışda iştirak edib.

O, pauerliftinq idman növü üzrə dünya çempionatında 52 kq ağırlıq qaldıraraq 3-cü yerə sahib olub.