Fyodr Yemelyanenko karyerasını Moskvadakı döyüşündə bitirəcək

MMA-nın (qarışıq döyüş növləri) canlı əfsanəsi, dördqat dünya çempionu Fyodr Yemelyanenko karyerasında son döyüşünü Moskvada keçirə bilər. 

"Report" xəbər verir ki, bu barədə "TASS" məlumat yayıb.

"Bellator"un prezidenti Skot Koker bildirib ki, rusiyalının potensial rəqibi UFC-nin keçmiş çempionu Fabrisio Verdum ola bilər.

Braziliyalı idmançı isə öz növbəsində bildirib ki, döyüşün taleyini elə ilk raundda həll edəcək.

Əvvəl bildirilirdi ki, Yemelyanenkonun bu döyüşü 2020-ci ilin sonuna planlaşdırılır. 

Qeyd edək ki, 43 yaşlı rusiyalı idmançının aktivində 6 məğlubiyyət  və 39 qalibiyyət var.