“Formula 1” üzrə Avstriya Qran-prisi start götürüb

Bu gün “Formula 1” üzrə Avstriya Qran-prisi start götürüb.

“Report” xəbər verir ki, “Mercedes”in pilotu Lüis Hemilton Şpilberq trasında keçirilən yarışın birinci sərbəst yürüşündə ən yaxşı göstəriciyə imza atıb - 1:04.838. “Ferrari”nin pilotu Sebastya Fettel ikinci (+0,144), “Mercedes”in digər sürücüsü Valtteri Bottas üçüncü olub (+0,161).

Qran-pri yarışı iyunun 30-da keçiriləcək. Bunadək isə daha iki sərbəst yürüş və sıralama turu olacaq.

Qeyd edək ki, mövsümün geridə qalan 8 mərhələsindən 6-da qalib gələn Hemilton 187 xalla liderdir. İkinci sıradakı Bottasın 151, Fettelin isə 111 xalı var.