"Formula 1": ABŞ komandası bolidini təqdim edib

"Formula 1" üzrə dünya çempionatında çıxış edən "Haas" komandası 2022-ci il mövsümü üçün yeni bolidini təqdim edib.

"Report"un ABŞ təmsilçisinin rəsmi saytına istinadən məlumatına görə, avtomobildə daha əvvəl olduğu kimi, Rusiya bayrağı öz əksini tapıb.

"Haas" 2021 mövsümündə Konstruktorlar Kubokunu xalsız başa vuraraq sonuncu - 10-cu olub. Pilotlar - almaniyalı Mik Şumaxer və rusiyalı Nikita Mazepin müvafiq olaraq 19 və 21-ci yerləri tutublar.

Qeyd edək ki, "Formula 1"də yeni mövsüm martın 20-də Bəhreyndə başlayacaq. 10 - 12 iyunda isə Bakıda Azərbaycan Qran-prisi təşkil olunacaq.