Dünya çempionatı: Ömər Salmanov bürünc medal uğrunda görüşə çıxacaq - YENİLƏNİB-2

Azərbaycanın yunan-Roma güləşçisi Ömər Salmanov Bakıda təşkil olunan U-17 dünya çempionatında bürünc medal uğrunda görüşə çıxacaq.

"Report"un məlumatına görə, 48 kq çəki dərəcəsində yarışan idmançı yarımfinalda Rusiya təmsilçisi Sultan Yusupova uduzaraq (1:3) finala yüksələ bilməyib.

Bununla belə, idmançı sabah bürünc medal uğrunda qarşılaşmaya çıxacaq.

Xatırladaq ki, Ö.Salmanov 1/8 finalda Avinaş Çetakeyə (Hindistan), 1/4 finalda isə Ali Mortaza Esmaeiliyə (İran) qalib gəlib.

14:12

Azərbaycanın yunan-Roma güləşçisi Ömər Salmanov Bakıda təşkil olunan U-17 dünya çempionatındakı ikinci görüşündə də qələbə qazanıb.

"Report"un məlumatına görə, 48 kq çəki dərəcəsində yarışan idmançı 1/4 finalda iranlı Ali Mortaza Esmaeilini 6:1 hesabı ilə məğlub edərək adını yarımfinala yazdırıb.

Ö.Salmanov 1/8 finalda hindistanlı Avinaş Çetakeni də eyni hesabla üstələmişdi.

Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.

12:35

Azərbaycanın yunan-Roma güləşçisi Ömər Salmanov Bakıda təşkil olunan U-17 dünya çempionatındakı ilk görüşündə qələbə qazanıb.

"Report"un məlumatına görə, 48 kq çəki dərəcəsində yarışan idmançı 1/8 finalda hindistanlı Avinaş Çetakeni 6:1 hesabı ilə məğlub edib.

Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.