Azərbaycan cüdoçuları Böyük Dəbilqəni bir medalla başa vurublar - YENİLƏNİB

Azərbaycan cüdoçuları Monqolustanın paytaxtı Ulan-Batorda təşkil olunan Böyük Dəbilqəni bir medalla başa vurublar.

"Report"un məlumatına görə, yarışın sonuncu günündə tatamiyə çıxan beş idmançıdan ikisi medal görüşündə qüvvəsini sınayıb.

100 kq-da Zelim Kotsoyev, 100 kq-dan yuxarı çəkidə Uşangi Kokauri bürünc mükafat qazanmaq şansını əldən verib.

Onlar 3-cü yer uğrunda qarşılaşmada, müvafiq olaraq, rusiyalı Arman Adamyan və monqolustanlı Tsetsentsengel Odxuuya uduzublar.

Qeyd edək ki, Azərbaycan cüdoçularından yalnız Yaşar Nəcəfov (66 kq) medala sahib çıxıb. O, fəxri kürsünün 3-cü pilləsinə qalxıb.

Azərbaycan cüdoçusu Uşangi Kokauri Monqolustanın paytaxtı Ulan-Batorda təşkil olunan Böyük Dəbilqədə yarımfinal görüşünü keçirib.

"Report"un məlumatına görə, 100 kq-dan yuxarı çəki dərəcəsində mübarizə aparan idmançı neytral statusda çıxış edən rusiyalı cüdoçu İnal Tasoyevlə üz-üzə gəlib.

Rəqibinə məğlub olan Kokauri bürünc medal uğrunda monqolustanlı Tsetsentsengel Odxuuya rəqib olub.

100 kq-dakı Zelim Kotsoyev üçüncülük qarşılaşmasında digər rusiyalı Arman Adamyanla qarşılaşacaq.

Bu gün tatamiyə çıxan Murad Fətiyev, Elcan Hacıyev (hər ikisi 90 kq), Camal Qamzatxanov (+100 kq) əvvəlki raundlarda medal şanslarını itirib.

Qeyd edək ki, daha əvvəl Yaşar Nəcəfov (66 kq) bürünc medala sahib çıxıb.