Azərbaycanlı hakim beynəlxalq turnirə dəvət aldı

Azərbaycanın beynəlxalq dərəcəli şahmat hakimi Rəhim Qasımov beynəlxalq turnirə dəvət alıb.

"Report" Beynəlxalq Şahmat Federasiyasının (FIDE) rəsmi saytına istinadən xəbər verir ki, referi yaşı 20-dək olan fiziki məhdudiyyətli şahmatçılar arasında ilk dəfə təşkil olunacaq Onlayn Gənclər Kubokunda ədaləti qoruyacaq.

Turnirdə 17 milli federasiyanın nümayəndəsi iştirak edəcək. Yarış iyunun 21-də start götürəcək.