Azərbaycanın yeniyetmə qız cüdoçuları Avropa Kubokunda iştirak edəcəklər

Azərbaycanın yeniyetmə qız cüdoçuları Xorvatiyanın Poreç şəhərində keçiriləcək Avropa Kubokunda mübarizə aparacaqlar.

Bu barədə "Report"a Azərbaycan Cüdo Federasiyasının mətbuat xidmətindən məlumat verilib.

Azərbaycanı yarışda 5 çəki dərəcəsində 14 qız idmançı təmsil edəcək.

Mədinə Hüseynova (40 kq), Fatimə Abdullayeva, Xədicə Abdullayeva, Gülşən Hüseynova (hamısı 44 kq), Leyla Ələkbərova, Nigar Məmişova, Nərmin Ağamirzadə, Nərgiz Əhmədova (hamısı 48 kq), Gülnaz Məmmədtağıyeva, Aysun Məmmədova, Səmayə Yusifli, Nəzakət Vəliyeva (hamısı 57 kq), Fidan Cəlilli və Mələk Bayramlı (hər ikisi 70 kq) tatamiyə çıxacaqlar.

Martın 15-16-da təşkil ediləcək yarışda yığmaya baş məşqçi Elnur İsmayılov rəhbərlik edəcək.