Azərbaycanın stolüstü tennisçisi beynəlxalq turnirin qalibi olub

Azərbaycanın stolüstü tennisçisi Yağmur Məmmədli Gürcüstanın paytaxtı Tbilisidəki “Wtt Youth Contender Tbilisi ” turnirində qızıl medal qazanıb. 

"Report" xəbər verir ki, o, 11 yaşlı idmançıların mübarizəsində bütün rəqiblərini məğlub edib. 

Yarışın son günündə Azərbaycanın iki təmsilçisi mükafatlar uğrunda yarışır. 

Yağmur Məmmədlidən başqa 15 yaşadək idmançılardan Mərziyyə Nurmətova da finala vəsiqə qazanıb. 

Qeyd edək ki, yarışın əvvəlki günlərində Aylin Əsgərova, Adil Əhmədzadə və Onur Quluzadə 3-cü yeri tutub.