Azərbaycanın qadın güləşçiləri dünya çempionatını medalsız başa vurublar

Azərbaycanın qadın güləşçiləri Albaniyanın paytaxtı Tiranada keçirilən qeyri-olimpiya çəki dərəcələri üzrə dünya çempionatını medalsız başa vurublar.

"Report"un məlumatına görə, Alyona Kolesnik (59 kq) və Elis Manolova (65 kq) təsəlliverici görüşdə məğlub olublar.

Bu gün sərbəst güləşçilərimiz də mübarizəyə start veriblər.

Qeyd edək ki, dünən yunan-Roma güləşçilərindən Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) dünya çempionu olublar. Yığma komanda hesabında birinci yeri tutub. Dünya çempionatı dekabrın 31-də başa çatacaq.