Azərbaycanın daha bir idmançısı dopinqə görə cəzalandırılıb

Beynəlxalq Ağırlıqqaldırma Federasiyası (IWF) dopinqə görə Azərbaycanın daha bir idmançısına sanksiya tətbiq edib.

“Report” xəbər verir ki, dopinq-testi müsbət nəticə verən Elmar Alıyev 4 il müddətinə diskvalifikasiya olunub. Onun sidik dəyişdirmə üsulundan ("Kimyəvi və fiziki manipulyasiya") yararlandığı müəyyənləşib.

56 kq çəkidə çıxış edən ağırlıqqaldıranın cəzası 12 sentyabr 2018-ci ildən qüvvəyə minib və 12 sentyabr 2022-ci ildə başa çatacaq.

Qeyd edək ki, IWF aprelin 15-də dopinqə görə Nizami Paşayevə 8 il cəza verildiyini açıqlayıb.