Azərbaycanı Gimnaziadada təmsil edəcək gimnastlar müəyyənləşib

Azərbaycanı Bəhreyn Krallığının paytaxtı Manamada keçiriləcək Gimnaziadada təmsil edəcək bədii gimnastika, həmçinin qadın gimnastikası üzrə yarışlarda təmsil edəcək idmançılar müəyyənləşib.

Azərbaycan Gimnastika Federasiyasının mətbuat xidmətindən “Report”a verilən məlumata görə bədii gimnastlar Şəms Ağahüseynova və Sofiya Məmmədovaya məşqçilər Ruslan Eyvazov və Darya Lehka rəhbərlik edəcəklər.

Qadın idman gimnastikası üzrə isə Aytən Məmmədova, Dəniz Əliyeva və Xədicə Abbaszadə məşqçi Olqa Barkalavanın rəhbərliyi altında mübarizə aparacaqlar.

Hakim kimi isə Kristina Pravdina iş başında olacaq.

Qeyd edək ki, Gimnaziadada sözügedən növlər üzrə yarışlar bu gün və sabah keçiriləcək.