Azərbaycan təxirə salınmış Avropa çempionatı üçün yeni tarix təklif etdi

Koronavirus pandemiyasına görə təxirə salınan kişilər arasında idman gimnastikası üzrə Avropa çempionatı payızda baş tuta bilər. 

"Report" Avropa Gimnastikasının rəsmi saytına istinadən xəbər verir ki, təşkilatçı Azərbaycan Gimnastika Federasiyası yarışı bu ilin payızında keçirmək istədiyini təsdiqləyib. 

Yeni tarixin hazırda müzakirə olunduğu və qərarın mayın sonlarında veriləcəyi vurğulanıb. 

Qeyd edək ki, Avropa çempionatı 27 - 31 mayda Bakıdakı Milli Gimnastika Arenasında təşkil olunmalı idi.