Azərbaycan qılıncoynadanı olimpiadada mübarizəni erkən dayandırıb

Bakı. 8 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən qılıncoynadan Səbinə Mikina ilk görüşünə çıxıb. 

"Report"un məlumatına görə, qadın sablyaçının rəqibi 1/16 final mərhələsindəki rəqibi tunisli Azza Besbes olub.

Görüş A.Besbesin qələbəsi ilə yekunlaşıb - 15:12. Bununla da S.Mikina mübarizəni erkən dayandırıb.

Qeyd edək ki, Səbinə Mikina Azərbaycanın olimpiadada qılıncoynatma növündə yeganə təmsilçisi olub.