Yuxarı

​Azərbaycan paralimpiyaçıları 1 qızıl, 2 gümüş və 4 bürünc medal qazanıb

Paralimpiyanın atletika idmanı növü üzrə keçirilmiş VII Fazza Qran Pri Dubay 2015 turniri sona çatıb

Bakı. 26 fevral. REPORT.AZ/ Birləşmiş Ərəb Əmirliyinin (BƏƏ) Dubay şəhərində paralimpiyanın atletika idmanı növü üzrə keçirilmiş "VII Fazza Qran Pri Dubay 2015" turniri sona çatıb.

"Report"un Gənclər və İdman Nazirliyinə istinadən verdiyi məlumata görə, turnirin sonuncu günü paralimpiyaçı atletlərimiz Rəfiyev Rüfət (nüvə atma) və Səfərova Solmaz (disk atma) bürünc medala sahib olublar. Bundan öncə keçirilən yarışlarda uzunluğa tullanmada Hesen Hüseynov qızıl, disk atmada Oluxan Musayev və Samir Nəbiyev gümüş, nüvə atmada Samir Nəbiyev və disk atmada Elvin Astanov bürünc medala sahib olublar

Yekun nəticədə paralimpiyaçılarımız 1 qızıl, 2 gümüş və 4 bürünc medal qazanıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi