Azərbaycan karateçisi Belarusda keçirilən beynəlxalq turnirin qalibi olub

Azərbaycan karateçisi Asiman Qurbanlı "Belarus Open 2024" beynəlxalq turnirinin qalibi olub.

Karate Federasiyasından "Report"a verilən məlumata görə, 84 kq dərəcəsində mübarizə aparan yığma üzvü bütün rəqiblərinə qalib gələrək fəxri kürsünün ən yüksək pilləsinə qalxıb.

Qeyd edək ki, Belarusun paytaxtı Minskdə təşkil olunan yarış oktyabrın 20-nə qədər davam edəcək. İdmançının şəxsi məşqçisi Seymur Xudaverdiyevdir.