Azərbaycan cüdoçuları Avropa Kata turnirində bürünc medal qazanıblar

Azərbaycan cüdoçuları Polşanın Radom şəhərində keçirilən cüdo üzrə Avropa Kata turnirində iştirak ediblər.

"Report" Azərbaycan Cüdo Federasiyasının (ACF) mətbuat xidmətinə istinadən xəbər verir ki, təmsilçilərimiz turnirdə üçüncü olublar.

İsmayıl Rzayev (tori) və İbrahim Aslanov (uke) böyüklər arasında “Nage-no-Kata” üzrə 353,5 xal toplayaraq bürünc medallarına yiyələniblər.