Yuxarı
    Bağlamaq

    Azərbaycan Beynəlxalq Bankı daha bir idman qurumu ilə əməkdaşlığı dayandırıb

    Federasiya ilə yeni müqavilə imzalanmayıb

    Bakı. 30 yanvar. REPORT.AZ/ Azərbaycan Beynəlxalq Bankı (ABB) daha bir idman qurumu ilə əməkdaşlığı dayandırıb. "Report"un məlumatına görə, bu, Azərbaycan Milli Karate Federasiyasıdır.

    Bank baş sponsoru olduğu federasiya ilə müqavilə müddətini artırmayıb. AMKF-in I vitse-prezidenti Rəhman Həsənov "Report"a açıqlamasında bildirib ki, sponsorluğun davam etdirilməsi ilə bağlı onlara heç bir rəsmi məlumat verilməyib: "Hələ cavab gözləyirik. Baş sponsor yanvarın 1-dən maliyyə vəsaiti ayırmır. İdmançılarımız Fransada keçirilən I Premyer Liqa yarışına da Gənclər və İdman Nazirliyinin hesabına yollanıb".

    Bankın mətbuat xidmətindən "Report"a tərəflər arasındakı müqavilə müddətinin 2016-cı il dekabrın 31-də başa çatdığı və yeni müqavilənin imzalanmadığı bildirilib: "Bu, ABB-nin sağlamlaşdırılması çərçivəsində atılan addımlardan biridir".

    Qeyd edək ki, yanvarın 27-də ABB-nin İdarə Heyəti “İnter” Peşəkar İdman Klubuna da sponsorluğun dayandırılmasına qərar verildiyini açıqlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi