Filippində azarkeş sevdiyi boksçu uduzduqdan sonra dünyasını dəyişib

Bakı. 7 noyabr. REPORT.AZ/ Pərəstiş etdiyi boksçu məğlub olduğu üçün filiipinli azarkeşin ürəyi dayanıb. 

"Report"un məlumatına görə, Uels Kasuyo adlı azarkeş Nonito Doneyrin Ümumdünya Boks Şurasının versiyası üzrə çempionluq kəməri uğrunda döyüşdə amerikalı Cessi Maqdalenoya məğlubiyyətini qəbul edə bilməyib.

Altmış iki yaşlı azarkeşin həyat yoldaşı bildirib ki, mərhum ilk olaraq sinəsini tutub və hakimin qalibi elan etməsindən sonra yerə yıxılıb. O, 2010-cu ildən ürək-damar xəstəliyindən əziyyət çəkdiyi üçün müxtəlif dərmanlar qəbul edib.

Qeyd edək ki, bundan öncə də sevdiyi boksçular məğlub olduğu üçün bir neçə filippinli dünyasını dəyişib.