Avropa Parlamenti Belarusdakı dünya çempionatının ləğvini tələb edir

Avropa Parlamenti (AP) buzüstü xokkey üzrə dünya çempionatının Belarusda keçirilməsinə qarşı çıxıb.

"Report" xəbər verir ki, bu barədə qurumun ölkədəki vəziyyətlə bağlı bu gün qəbul etdiyi qətnamənin mətnində deyilir.

AP Belarusdakı insan haqlarının pozulmasına qarşı sanksiyalar çərçivəsində Beynəlxalq Buzüstü Xokkey Federasiyasını və digər milli federasiyaları yarışı ləğv etməyə çağırıb.

Qeyd edək ki, dünya çempionatı 2021-ci ildə təşkil olunmalıdır.