Avropa çempionatında uğurla çıxış etmiş gimnastlar Vətənə qayıdıblar

Bolqarıstanın Varna şəhərində keçirilən akrobatika gimnastikası üzrə 31-ci Avropa çempionatında uğurla çıxış etmiş Azərbaycan millisinin üzvləri Vətənə qayıdıblar.

“Report”un məlumatına görə, gimnastları Heydər Əliyev Beynəlxalq Aeroportunda Azərbaycan Gimnastika Federasiyasının nümayəndələri, yaxınları və jurnalistlər qarşılayıblar.

Qeyd edək ki, akrobatika gimnastikası üzrə Azərbaycan yığmasının üzvləri yarışı 7 qızıl və 2 gümüş medalla başa vurublar.