Avropa çempionatı: Azərbaycanın şahmat millisi Ermənistanla qarşılaşacaq

Şahmat üzrə kişilərdən ibarət Azərbaycan millisinin Sloveniyanın Çatej şəhərindəki Avropa çempionatında növbəti rəqibi bəlli olub.

"Report"un məlumatına görə, yığma VI turda Ermənistanla üz-üzə gələcək.

Qadınlardan ibarət komanda isə İtaliya seçməsi ilə görüşəcək.

Qeyd edək ki, VI turun qarşılaşmaları noyabrın 18-də keçiriləcək. Kişilərdən ibarət milli 8 xalla 1 - 6-cı yerləri bölüşdürür. Qadınlar isə 4 ölkə ilə birlikdə 7 xalla 4 - 7-ci yerlərdə gedirlər.