AMADA WADA-nın büdcəsinə tələb olunan illik üzvlük haqqını tam şəkildə ödəyib

Azərbaycan Milli Antidopinq Agentliyi (AMADA) Ümumdünya Antidopinq Agentliyinin (WADA) büdcəsinə tələb olunan illik üzvlük haqqını tam şəkildə ödəyib.

“Report” xəbər verir ki, bu barədə WADA-nın hesabatından bildirilir. AMADA-nın 2019-cu il üçün ödənişi 33 min 967 dollar təşkil edib. Avropada ən böyük məbləğdə illik ödəniş Rusiya, Fransa, Almaniya, Böyük Britaniya və İtaliyadan tələb olunur. Bu ölkələrin hamısı artıq nəzərdə tutulan 946 min 747 dolları WADA-nın büdcəsinə köçürüblər. Hazırda ən çox borcu olan ölkə Rumıniyadır - 93 min 592 dollar.

2021-ci ilə qədər WADA-nın büdcəsinə ödənişlər illik 8 faiz artacaq.

Qeyd edək ki, WADA-nın büdcəsinə ən çox illik ödənişi ABŞ edib - 2 milyon 513 min 651 dollar.