Yuxarı
    Bağlamaq

    AGF rəsmisi Beynəlxalq Gimnastika Federasiyasında yeni vəzifəyə seçilib

    Mehman Əliyev FİG-in Apelliyasiya Tribunalının üzvü olub

    Bakı. 19 oktyabr. REPORT.AZ/ Azərbaycan Gimnastika Federasiyasının (AGF) beynəlxalq əlaqələr üzrə meneceri Mehman Əliyev yeni vəzifəyə seçilib. 

    "Report"un məlumatına görə, M.Əliyev Beynəlxalq Gimnastika Federasiyasında (FİG) Apellyasiya Tribunalının üzvü olub.

    Seçki Yaponiyanın paytaxtı Tokioda təşkil olunan 81-ci Konqres çərçivəsində keçirilib. M.Əliyev seçkinin elə ilkin mərhələsində 64 səs yığaraq tribunalda təmsil olunacaq 5 nəfərdən biri olub. O, Kanada, İsveçrə, Braziliya və Nepaldan olan üzvlərlə birgə fəaliyyət göstərəcək.

    AGF rəsmisi bunadək FIG-in İntizam Komissiyasının üzvü vəzifəsini icra edib.

    Bundan başqa, konqresdə FİG-in yeni prezidenti də seçilib. Bu, yaponiyalı Vatanabe Morinaridir. İndiyədək həmin vəzifəni italiyalı Bruno Qrandi icra edib. Vitse-prezidentlər isə rusiyalı Vasili Titov, belaruslu Nelli Kim və çinli Çaoyi Luodur.

    Qeyd edək ki, Konqres oktyabrın 20-də yekunlaşacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi