Yaponiya XİN: "Rusiya neftinin yuxarı qiymət həddi “Saxalin-2”yə şamil edilməyəcək"

Rusiya neftinin qiymətinə tətbiq edilən yuxarı hədd “Saxalin-2” layihəsi çərçivəsində hasil edilən neftə şamil edilməyəcək.

"Report" xarici mətbuata istinadən xəbər verir ki, bu barədə Yaponiya Xarici İşlər Nazirliyi məlumat yayıb.

Bildirilib ki, bu qərar Yaponiyanın enerji təhlükəsizliyini təmin etmək məqsədilə qəbul olunub.

Xatırladaq ki, dekabrın 5-də Rusiya neftinə məhdudiyyətlər qüvvəyə minib. Beləliklə, Avropa İttifaqı (Aİ) və G7 ölkələri Rusiya neftinin bir barelinin 60 dollar səviyyəsində məhdudlaşdırılması barədə razılığa gəlib.