“Ukrtransnafta” daha 15 min ton Azərbaycan neftini satışa çıxaracaq

Bakı. 10 iyul. REPORT.AZ/ “Ukrtransnafta” iyulun 12-də növbəti dəfə “Cənub” dəniz neft terminalının rezervuarlarından 15 min ton həcmində “AzeriLight” markalı nefti  satışa çıxaracaq.

“Report” “Enkorr” saytına istinadən xəbər verir ki, bu barədə Ukrayna Enerji Birjasının bülletenində qeyd olunub.

Təklif olunan həcm hər biri 5 min ton olmaqla 3 Lota bölünəcək. Ticarət əvvəlki kimi differensial rejimdə həyata keçiriləcək. Neftin nəqli öncədən ödənişlə iyulun 26-dan avqustun 2-dək baş tutacaq.

Qeyd edək ki, “Ukrtransnafta” şirkəti Ukraynada neft nəqliyyat sisteminin operatorudur.