Yuxarı
    Bağlamaq

    TAP layihəsinin maliyyə məsələsi apreldə həll olunacaq

    Natiq Əliyev: Bazardakı hadisələrə baxmayaraq, bu layihələr həyata keçiriləcək

    Bakı. 29 fevral. REPORT.AZ/ Bu ilin aprel ayında Trans-Adriatik Boru Kəmərinin (TAP) inşası layihəsinin maliyyə məsələsi həll olunacaq. "Report" xəbər verir ki, bu barədə Azərbaycanın energetika naziri Natiq Əliyev bildirib. O qeyd edib ki, hazırda bununla bağlı danışıqlar aparılır.

    Nazir dünya bazarında baş verən böhranın layihələrin həyata keçirilməsində problem yaratmadığını bildirib: "Həm Azərbaycanın "Şahdəniz-2" layihəsinin maliyyələşdirilməsində, layihələrdə SOCAR-ın payının maliyyələşdirilməsində heç bir problem yoxdur. Bizim tərəfdaşlarımızın da çətinliyi yoxdur". 

    "SOCAR-ın TANAP və TAP layihələrində payı var. TANAP-da maliyyələşmənin əksər hissəsi həll edilib. Bazarda hansı hadisələr baş versə də, bu layihələr həyata keçiriləcək", - deyə N.Əliyev qeyd edib.

    "RİA Novosti"nin verdiyi xəbərə görə, TAP layihəsinin icraçı direktoru Yan Bredşou isə bildirib ki, qaz kəmərinin inşasına artıq bu ilin ortasında Yunanıstanın Saloniki şəhərində başlanacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi