SOCAR Supsa limanından neft ixracını 10% artırıb

SOCAR Supsa limanından neft ixracını 10% artırıb SOCAR yanvar-avqust ayları ərzində Supsa limanından 2,029 mln. ton neft ixrac edib
Energetika
43
10 Sentyabr , 2014 08:49
SOCAR Supsa limanından neft ixracını 10% artırıb

Bakı. 10 sentyabr. REPORT.AZ/ Azərbaycan Dövlət Neft Şirkəti (SOCAR) bu ilin yanvar-avqust aylarında Supsa limanından (Qara dəniz, Gürcüstan) 2,029 mln. ton neft ixrac edib. Əvvəlki ilin müvafiq dövrünün eyni göstəricisi ilə müqayisədə Supsa limanından ixracın həcmi 10,4% artıb. 

Şirkətdən "Report"a bildirilib ki, hesabat dövründə Supsa limanından SOCAR 242,076 min ton Azərbaycan neftini yola salıb. Ötən il SOCAR Gürcüstan limanından 2,725 mln. ton neft ixrac edib. Bakı-Supsa boru kəməri 1994-cü il sentyabr ayının 20-də SOCAR və başda BP olmaqla xarici şirkətlər qrupu arasında imzalanan məhsulun pay bölgüsü haqqında saziş çərçivəsində "Çıraq" yatağından hasil olunan neftin nəqli üçün nəzərdə tutulub. 

Belə ki, 21 düym (530 mm) diametrdə 775 km yeni boru kəməri və 55 km bərpa olunmuş boru kəməri daxil olmaqla, Bakı-Supsa boru kəmərinin uzunluğu 830 km təşkil edir. Kəmərin illik ötürmə gücü 7 mln. ton (gündəlik 140 min barel) neft təşkil edir. Boru kəmərinin operatoru BP şirkətidir.