Yuxarı

​SOCAR Şimal marşrutu ilə neft ixracını artırıb

SOCAR bu il Novorossiysk limanından neft ixracını 40% artırıb

Bakı. 1 sentyabr. REPORT.AZ/ Azərbaycan Dövlət Neft Şirkəti (SOCAR) 2015-ci ilin avqust ayında Novorossiysk limanından (Qara dəniz, Rusiya) 84 913 ton xam neft ixrac edib.

"Report" SOCAR-a istinadən xəbər verir ki, ötən ay limandan ixrac olunan xam neftin həcmi 2014-cü ilin müvafiq ayından 0,2% artıq olub.

Ümumilikdə, yanvar-avqust ayları ərzində isə Novorossiysk limanından 930 671 ton xam neft ixrac edilib ki, bu da ötən ilin 8 ayına nisbətən 37% artıqdır.

Qeyd edək ki, SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.

Azərbaycan nefti Qara dəniz limanına Bakı-Novorossiysk boru kəməri vasitəsilə Rusiya ərazisindən keçməklə nəql olunur. Bu kəmərinin ümumi uzunluğu 1 330 km-dir və kəmərlə ilk neft 1997-ci il oktyabrın 25-də dünya bazarına çıxarılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi