Yuxarı
    Bağlamaq

    SOCAR “Petkim”dən 152 mln. manat dividend alacaq

    Bakı. 30 mart. REPORT.AZ/ Əsas payı Azərbaycan Dövlət Neft Şirkətinə (SOCAR) məxsus olan “Petkim Holding” 2017-ci ildə əldə etdiyi mənfəətindən sərmayədarlara 690 mln. Türkiyə lirəsi (297 mln. manat) məbləğində dividend ödəyəcək.

    “Report” Türkiyənin İctimaiyyəti Məlumatlandırma Platformasına (Kamuyu Aydınlatma Platformu - KAP) istinadən xəbər verir ki, bu barədə “Petkim”in 2017-ci il üzrə fəaliyyətinə dair İdarə Heyətinin bu gün keçirilən iclasında qərara alınıb.

    “SOCAR Turkey Petrokimya A.Ş”nin əldə edəcəyi dividendin məbləği 351,9 mln. lirə (151,6 mln. manat) olacaq. İclasda dividendlərin may ayının 3-də paylanmasına qərar verilib.

    Ümumi yığıncaqda həmçinin Holdinqin 2018-ci il üzrə fəaliyyətinin auditini “PwC” (“Pricewaterhouse Coopers”) şirkətinin aparması təsdiqlənib.

    Qeyd edək ki, SOCAR 2008-ci ildə “Petkim”in 51%-lik səhm paketini 2,04 mlrd. dollara alaraq Türkiyədəki fəaliyyətinə başlayıb. Şirkətin qalan səhmləri isə İstanbul Fond Birjasında ("Borsa İstanbul") dövriyyədədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi