SOCAR pandemiya dövründə işçilərinin iş rejimini açıqladı

Koronavirus pandemiya dövründə Azərbaycan Dövlət Neft Şirkətinin (SOCAR) 14 699 əməkdaşı evdən işləyib.

“Report”un məlumatına görə, bunu SOCAR-ın İnsan Resursları Departamentinin rəisi Asif Bəkirli şirkətdə İnsan Resurslarının İdarə edilməsinə dair QHT-lərin də iştirakı ilə keçirilən onlayn görüşü zamanı bildirib.

Onun sözlərinə görə, bu da SOCAR əməkdaşlarının 29%-ni təşkil edir.

A.Bəkirli bildirib ki, bu müddət ərzində 35 907 əməkdaş isə işdə olub. Bu da SOCAR əməkdaşlarının 71%-ni təşkil edir.