​SOCAR: Kanadada "SOCAR Trading" şirkəti ticarət nümayəndəliyi açmaq istəyir

Bakı. 30 oktyabr. REPORT.AZ/ Son günlər kütləvi informasiya vasitələrində Azərbaycan Dövlət Neft Şirkətinin (SOCAR) Kanadada nümayəndəlik açacağı ilə bağlı məlumatlar yayılıb.

Bununla bağlı şirkətin mətbuat xidməti və ictimaiyyətlə əlaqələr şöbəsindən "Report"a bildirilib ki, Kanadada SOCAR yox, "SOCAR Trading" şirkəti özünün ticarət nümayəndəliyini açmaq istəyir və bununla bağlı işlər aparılır.

Qeyd edək ki, ticarət nümayəndəliyi Kanadanın neft paytaxtı olan Kalqari şəhərində yerləşəcək.