Rusiyada neftin ixrac qiyməti artırılıb

Bakı. 1 noyabr. REPORT.AZ/ Rusiyada noyabrın 1-dən neftin ixrac rüsumu 1 tona görə 14,5 dollar bahalaşıb. Belə ki, oktybarda bir ton neftə görə rüsum 137,5 dollar olubsa, noyabrda bu rəqəm 152 dollara çatıb.

"Report" xəbər verir ki, bunu Rusiya İqtisadi İnkişaf Nazirliyinin sənədlərindən görmək olar.

Rusiya Maliyyə Nazirliyi oktyabrda "Urals" neftinin müşahidə aparılan 15 sentyabr - 14 oktyabr aralığında orta qiymətinin 81,11 dollar/barel və ya 592,1 dollar/ton olduğunu açıqlayıb.

Bununla yanaşı, noyabrın 1-dən maye qazın (LNG) ixrac rüsumu bir tona görə 27,4 dollardan 59,1 dollara, təmizlənmiş maye karbohidrogen qazının (LPG) rüsumu isə 10,9 dollardan 23,6 dollara qaldırılıb. Yüksək qatqılı neftin ixrac rüsumu oktyabrda olan 22,7 dollardan 25,4 dollaradək artırılır.