Rusiyada gələn ilin neft qiymətlərinin proqnozu dəyişdirilməyəcək

Bakı. 26 noyabr. REPORT.AZ/ Rusiyanın İqtisadi İnkişaf Nazirliyi dekabr ayında ÜDM-in artımı, inflyasiya və rublun məzənnəsi, habelə neftin qiymətlərinə dair 2019-cu il üçün proqnozunu dəyişdirmək niyyətində deyil.

“Report” Rusiya KİV-inə istinadən xəbər verir ki, bu barədə ölkənin iqtisadi inkişaf naziri Maksim Oreşkin məlumat verib.

Rusiya İqtisadi İnkişaf Nazirliyinin proqnozuna əsasən, gələn il ÜDM-in artımı 1,3%, inflyasiy səviyyəsi 4,3%, ABŞ dollarının orta illik məzənnəsi 63,9 Rusiya rublu, “Urals” markalı neftin bir barelinin qiyməti isə 63,4 dollar olacaq.