Rusiya neft hasilatını sutkada 185 min barel azaldıb

Bakı. 25 mart. REPORT.AZ/ Rusiya hazırda neft hasilatını 2016-cı ilin oktyabr ayının orta sutkalıq göstəricisi ilə müqayisədə sutkada 185 min barel azaldıb. Bu, neft hasilatçısı ölkələri ilə müqavilə çərçivəsində baş verib.

“Report” xəbər verir ki, bunu jurnalistlərə ölkənin energetika naziri Aleksandr Novak deyib.

"185 (sutkada min barel — red.)", - deyə Novak Rusiyanın hasilatı nə qədər azaltmasına dair suala cavab verərkən bildirib.