Rusiya Avropaya qaz tədarükünü artırmağa hazırdır

"Rusiya Avropaya qaz tədarükünü artırmağa hazırdır, bunun üçün avropalı alıcılarla uzunmüddətli müqavilələrin bağlanmasına ehtiyac var".

“Report” “İnterfaks”a istinadən xəbər verir ki, bu barədə Rusiya Baş nazirinin müavini Aleksandr Novak bildirib.

“Bizim tədarük üçün nəhəng resurslarımız var, lakin hər bir hasilat zaman tələb edən investisiya layihəsidir. Biz hər zaman bu cür enerji daşıyıcılarından istifadə edən istehlakçıların enerji təhlükəsizliyi sisteminin uzunmüddətli müqavilələr olmasına tərəfdar çıxış etmişik”, - o deyib.