"Royal Dutch Shell" Venesuelada PDSVA ilə birgə müəssisədəki payını satır

Energetika

12 oktyabr, 2018
07:29

Royal Dutch Shell Venesuelada PDSVA ilə birgə müəssisədəki payını satır

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 12 oktyabr. REPORT.AZ/ Hollandiya-Böyük Britaniya konserni "Royal Dutch Shell" Venesuelada birgə müəssisədə payını Fransanın "Maurel&Prom" neft şirkətinə satışı ilə bağlı danışıqlara başlayıb.

"Report" xəbər verir ki, bu barədə "Reuters" agentliyi üç mənbəyə istinadən məlumat verir.

Agentliyin məlumatına görə, "Royal Dutch Shell" Venesuela Dövlət Neft-Qaz Şirkəti (PDVSA) ilə birgə müəssisədəki 40%-lik payını satmaq istəyir. Qeyd olunur ki, konsern bu yolla Venesueladakı neft biznesinin miqyasını azaltmaq və qaz sektoruna diqqət ayırmaq niyyətindədir.

Qeyd edək ki, "Royal Dutch Shell" konserni dünyanın 70-dən çox ölkəsində fəaliyyət göstərən energetika və neft-kimya şirkətlərini özündə birləşdirir.