Rövnəq Abdullayev: "SOCAR Gürcüstanın əsas qaz təchizatçısıdır"

Rövnəq Abdullayev: "SOCAR Gürcüstanın əsas qaz təchizatçısıdır" Cari ilin birincin rübündə Azərbaycan Gürcüstana da 784 milyon kubmetr qaz ixrac edib
Energetika
116
13 May , 2021 14:35
Rövnəq Abdullayev: SOCAR Gürcüstanın əsas qaz təchizatçısıdır
SOCAR prezidenti Rövnəq Abdullayev / Report/ Firi Salim

Bu gün Azərbaycan Dövlət Neft Şirkəti (SOCAR) Gürcüstanın əsas qaz təchizatçısıdır.

“Report” xəbər verir ki, bu barədə SOCAR-ın prezidenti Rövnəq Abdullayev Türkmənistanın müstəqilliyinin 30 illik yubileyinə həsr edilən neft-qaz sektoruna sərmayələrin cəlb edilməsi üzrə beynəlxalq forumda bildirib.

SOCAR tərəfindən Türkiyəyə indiyədək "Şahdəniz" yatağından 82 milyard kubmetrə yaxın qaz ixrac olunduğunu xatırladan natiq bunun 12 milyard kubmetrinin 2018-ci ilin 30 iyun tarixində Cənub Qaz Dəhlizininbirinci fazasının işə salınmasından bu yana tədarük olunduğunu dilə gətirib.

Bununla yanaşı Avropa bazarında da fəaliyyətini genişləndirən SOCAR-ın Yunanıstan, Bolqarıstan və İtaliyaya gündəlik 26 milyon qaz nəql etdiyi, bunun da rekord rəqəm olduğu vurğulanıb.

Xatırladaq ki, cari ilin birincin rübündə Azərbaycan Gürcüstana da 784 milyon kubmetr qaz ixrac edib.

SOCAR rəhbəri həmçinin xatırladıb ki, 3 500 km uzunluğunda, sərmayə dəyəri 33 milyard ABŞ dollarınadək olan Cənubi Qaz Dəhlizi layihəsi Xəzər regionunu Cənub-Şərqi Avropa ilə birləşdirərək bütövlükdə 7 ölkəni əhatə edir və Avropanın enerji təhlükəsizliyinə mühüm töhfədir. Bu layihə çərçivəsində Azərbaycan ilk dəfə öz təbii qazını Avropa bazarına ixrac etməyə başlayıb.

Son xəbərlər

Orphus sistemi