Qazaxıstan neft hasilatını artıra bilər

Bakı. 20 iyul. REPORT.AZ/ Qazaxıstan "Kaşaqan" yatağından hesabına neft hasilatının həcmini artıra bilər. 

"Report" Rusiya mətbuatına istinadən xəbər verir ki, bunu Qazaxıstanın energetika naziri Kanat Bozumbayev deyib. 

Onun sözlərinə görə, ölkəsi OPEC+ razılaşması əldə edildikdən sonra hasilatı artırmayıb: "Hasilat göstəricisi olduğu kimi qalıb - sutkada 1,8 mln. barel. İlin sonuna qədər bu sahədə artımın nə qədər olacağını müəyyən edəcəyik". 

Xatırladaq ki, OPEC+ razılaşmasına əsasən, Qazaxıstan gündəlik hasilatını 20 min barrel azaltmalı idi.