Təbii qazın qiymətinin artması Avropada təlaşa səbəb olub

Yeraltı anbarlarda qaz ehtiyatlarının minimum səviyyədə olmasından qaynaqlanan qiymət artımı Avropa sakinlərini təlaşa salıb.

“Report” xəbər verir ki, bu barədə “Kommersant” məlumat yayıb.

Bildirilir ki, “Qazprom”un qaz ixracı həcmlərindəki dəyişikliklər Avropada ciddi reaksiyalara səbəb olur.

Xatırladaq ki, sentyabrın 27-də "Qazprom" şirkəti Macarıstan dövləti ilə 2036-cı ilədək qaz tədarükünü nəzərdə tutan 2 müqavilə imzalayıb. Müqavilələrə əsasən Rusiya şirkəti illik 4,5 milyard kubmetr qaz satacaq və bu qaz Macarıstan ərazisindən keçməklə Serbiya və Avstriyaya ixrac ediləcək.