Prezident İlham Əliyev Davosda “Statoil” şirkətinin baş icraçı direktoru ilə görüşüb - YENİLƏNİB

*** 18:56

Bakı. 24 yanvar. REPORT.AZ/ Azərbaycan Respublikasının Prezidenti İlham Əliyev yanvarın 24-də Davosda “Statoil” şirkətinin baş icraçı direktoru Eldar Saetre ilə görüşüb.

"Report" xəbər verir ki, görüşdə “Statoil” şirkətinin 25 ildir ölkəmizdə uğurla fəaliyyət göstərdiyi qeyd olunub. 

“Azəri”, “Çıraq”, “Günəşli”, həmçinin “Qarabağ” və “Dan ulduzu” yataqları üzrə əməkdaşlığın perspektivləri müzakirə edilib. Gələcəkdə əməkdaşlığın daha da inkişaf etdirilməsi ilə bağlı fikir mübadiləsi aparılıb.