OPEK-in yeni baş katibi vəzifəsinin icrasına başlayıb

Neft İxrac Edən Ölkələrin Təşkilatının (OPEK) yeni baş katibi Haysam əl-Qays avqustun 1-dən etibarən vəzifəsinin icrasına başlayıb.

“Report” xarici KİV-ə istinadən xəbər verir ki, bu barədə OPEK-in press-relizində deyilir.

O, OPEK-in 2022-ci il yanvarın 3-ü keçirilmiş xüsusi iclasında üç il müddətinə bu vəzifəyə təyin olunub.

Xatırladaq ki, Əl-Qays bu vəzifədə nigeriyalı Məhəmməd Barkindonu əvəz edib. 2016-cı ildən bu vəzifədə çalışan və iyulun 5-i vəfat etmiş Məhəmməd Barkindonun səlahiyyət müddəti bu ay başa çatırdı.