OPEC neftə tələbatın 7 mln. barelədək azalacağını proqnozlaşdırır

2020-ci ildə neftə gündəlik qlobal tələbat 6,8 mln. barel azalaraq 92,82 mln. barel təşkil edəcək.

“Report” xəbər verir ki, bu barədə OPEC-in aprel hesabatında qeyd edilib.

Bildirilib ki, koronavirusa görə, ən böyük azalma ilin II rübü üzrə gözlənilir. Bu dövrdə neftə tələbat 86,7 mln. barel/gün proqnozlaşdırılır. Proqnoza görə, III rübdə gündəlik tələbat artaraq 94,28 mln. barel, IV rübdə 97,3 mln. barel təşkil edəcək.

Hesabata əsasən, 2020-ci ildə OPEC-ə üzv olmayan ölkələrdən gündəlik neft tədarükünün həcmi 63,47 mln. barel təşkil edəcək. 2019-cu ildə isə bu göstərici 64,97 mln. barel/gün olub.