Neft cüzi bahalaşıb

Dünya bazarlarında neftin qiymətləri cüzi artıb.

“Report” birjalara istinadən xəbər verir ki, “Brent” markalı neftin mart fyuçersləri 0,29% bahalaşaraq 86,38 ABŞ dollarına satılıb. WTI neftinin mart fyuçerslərinin qiyməti isə 0,22% artaraq 1 bareli 80,31 ABŞ dolları təşkil edib.

Bazarlar ABŞ-da neft ehtiyatları ilə bağlı həftəlik statistikanın açıqlanmasını gözləyir.

Analitiklər yanvarın 20-dək olan həftə ərzində ehtiyatların 1 milyon barel azalacağını proqnozlaşdırırlar.