Naxçıvanda təbii qazla təmin edilmiş abonentlərin sayı açıqlanıb

Bakı. 24 yanvar. REPORT.AZ/ Naxçıvan Muxtar Respublikasında təbii qazla təmin edilmiş abonentlərin sayı açıqlanıb.

“Report”un Naxçıvan Muxtar Respublikasının Dövlət Statistika Komitəsinin məlumatına istinadən bildirir ki, bu ilin 1 yanvar tarixinə muxtar respublikada 86 377 əhali abonenti təbii qazla təmin olunub. Bu isə 2017-ci ilin nəticələrinə nisbətən 586 və ya 0,7% abonent çoxdur.

Qeyd edək ki, 2018-ci ilin 1 yanvar tarixinə muxtar respublikada 85 791 əhali abonenti mavi yanacaqla təmin olunub.